निबंध स्पर्धा

बधोडा स्वाधार केंद्राकडून निबंध स्पर्धेचे आयोजन. सर्व विद्यार्थ्यांना सहभागी होण्याचे आवाहन.

लातूर : बधोडा स्वाधार केंद्राच्या वतीने 'युवा शक्ती आणि राष्ट्र निर्मिती' या विषयावर निबंध स्पर्धेचे आयोजन करण्यात आले आहे. ही स्पर्धा ५ जुलै रोजी दुपारी २ वाजता बधोडा स्वाधार केंद्रात होणार आहे. स्पर्धेसाठी ८वी ते १२वीच्या विद्यार्थ्यांनी नोंदणी करावी.

यावेळी स्पर्धेच्या तपशीलांवर बोलताना केंद्राचे संचालक प्रशांत बधोडा यांनी म्हटले की, युवकांमधील सर्जनशीलता वाढविण्यासाठी अशा स्पर्धा आवश्यक आहेत. स्पर्धेच्या विजेत्यांना पारितोषिके देण्यात येणार आहेत. निबंधाची लांबी १००० शब्दांपेक्षा जास्त नसावी. निबंध मराठी किंवा इंग्रजी भाषेत लिहिता येईल. स्पर्धेसाठी नोंदणी ३ जुलैपर्यंत खुली असेल. विद्यार्थ्यांनी स्वाधार केंद्राच्या कार्यालयात संपर्क करून नोंदणी करावी, असे आवाहन त्यांनी केले.